07.11.2024 | 22:35
Փաշինյանը հանդիպում է ունեցել Մակրոնի հետ
Հռոմի պապը հանդես է եկել խաղաղության կոչով
Քաղաքականություն
15.08.2021 | 16:04
Հռոմի պապն այսօր հանդես է եկել խաղաղության կոչով Աֆղանստանում ծագած պատերազմական իրադրության առթիվ, որպեսզի մարդիկ ապրեն խաղաղ, անվտանգ ու փոխադարձ հարգանքի մթնոլորտում․ հաղորդում է Reuters-ը։
Կայքը հայտնում է, որ Պապն իր հայտարարությունն արել է այն բանից հետո, երբ թալիբները մտան Քաբուլ, և ԱՄՆ-ն ուղղաթիռով այնտեղից տարհանեց իր դեսպանության աշխատակազմին։
«Ես իմ անհանգստությունն եմ հայտնում Աֆղանստանում ստեղծված իրավիճակի հետ կապված։ Խնդրում եմ ձեզ ինձ հետ աղոթել Աստծուն խաղաղության համար, որպեսզի զենքերի ձայները լռեն, և համաձայնություն լինի բանակցությունների սեղանի շուրջ։
Միայն այս կերպ երկրի խաղաղ բնակիչները կվերադառնան իրենց բնակավայրերն ու կապրեն խաղաղ ու փոխադարձ հարգանքի մթնոլորտում»,-ասել է Պապ Ֆրանցիսկոսը Սբ․ Պետրոսի հրապարակում ունեցած ելույթի ժամանակ։
