16.12.2025 | 21:58
Ադրբեջանն ու Թուրքիան միմյանց ռազմական օգնություն կցուցաբերեն ագրեսիայի դեպքում
«Թալիբան»-ը խոստացել է չգրավել Քաբուլը․ նրանք կբանակցեն իշխանությունների հետ
Քաղաքականություն
15.08.2021 | 14:07
«Թալիբան» արմատական շարժումն իր մարտիկներին հրամայել է չգրոհել Քաբուլը։ Այս մասին իր Twitter-ի էջում հայտարարել Է թալիբների պաշտոնական ներկայացուցիչ Զաբիհուլլա Մուջահիդը, նրա խոսքերն է փոխանցում ՏԱՍՍ գործակալությունը։
«Մենք հրամայել ենք մեր մարտիկներին մնալ Քաբուլի մուտքերի մոտ և չգրոհել քաղաքը», – ասել է նա։
Ավելի վաղ հաղորդվել էր այն մասին, որ թալիբները մտնում են Աֆղանստանի մայրաքաղաք։ Սակայն նրանց վերջին հայտարարությունների համաձայն՝ իրենք պատրաստվում են իշխանությունների հետ բանակցությունների և չեն պատրաստվում գրավել Քաբուլը։ Նրանց խոսքերով՝ իրենք այլևս զոհեր չեն ցանկանում քաղաքացիական հասրակության շրջանում, և բոլոր նրանք, ովքեր ցանկանում են լքել քաղաքը, անարգել ու ապահով կկարողանան անել դա։
Al Arabiya հեռուստաալիքի հաղորդմամբ՝ բանակի և թալիբների միջև բախումներն այս պահին շարունակվում են Քաբուլի մատույցների մոտ, մայրաքաղաքում այժմ հանգիստ է։ Քաղաքի կենտրոնն այս պահին խստորեն վերահսկվում է բանակի կողմից․ այնտեղ են գտնվում բազմաթիվ պետությունների դեսպանատներն ու քաղաքական կարևոր կառույցների շենքերը։
Հեռուստաալիքը նաև հաղորդել է, որ թալիբների պատվիրակությունը այս պահին արդեն Քաբուլում է։
