15.11.2024 | 20:30
Փաշինյանը Պապիկյանին կազատի՞ զբաղեցրած պաշտոնից, եթե նա այլ հայտարարություն անի․ ԵզրաԿԱՑՈՒԹՅՈՒՆ
Ադրբեջանը ակնհայտորեն խախտում է ԵԱՀԿ՝ Վիեննայի 2011 թվականին ընդունված փաստաթուղթը. Տիգրան Բալայան
Քաղաքականություն
13.03.2018 | 15:12
Ադրբեջանը ակնհայտորեն խախտում է ԵԱՀԿ՝ Վիեննայի 2011 թվականին ընդունված փաստաթուղթը: Այս մասին Twitter-ի իր միկրոբլոգում գրել է ՀՀ ԱԳՆ խոսնակ Տիգրան Բալայանը:
«Ադրբեջանը բացահայտորեն խախտում է ԵԱՀԿ Վիեննայի 2011 թվականի փաստաթղթի 5-րդ գլխի 40.1.1-րդ ենթակետը (ռազմական որոշակի գործունեության վերաբերյալ անհրաժեշտ նախնական ծանուցում)՝ դրանցում ներգրավված զինծառայողների և ռազմական տեխնիկայի թվի առնչությամբ»,- գրել է Բալայանը:
Ավելի վաղ ՀՀ ԱԳՆ խոսնակը գրել էր, որ Ադրբեջանը զինավարժություններ է սկսել ԽԽՎ պարտավորությունների բացահայտ խախտմամբ ու առանց ԵԱՀԿ-ի անդամ պետություններին նախնապես ծանուցելու:
Հիշեցնենք, որ մարտի 12-ից Ադրբեջանում մեկնարկած ԶՈւ լայնամասշտաբ վարժանքները տևելու են մինչև մարտի 17-ը: Զորավարժություններին կներգրավվեն շուրջ 25 հազար զինծառայող, 250 միավոր տանկ, այլ զրահատեխնիկա, տարբեր տրամաչափի հրթիռա-հրետանային 1000 համակարգեր, ականանետներ, մինչև 50 միավոր ավիացիոն տեխնիկա:
