14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սանձարձակ հայտարարություններ եք անում, պարոն Եղոյան․ Արծվիկ Մինասյան․ ՏԵՍԱՆՅՈւԹ
Քաղաքականություն
12.08.2021 | 16:41
«Եթե մենք բանակցությունների շրջափուլում ենք, հատկապես հիմա կարևոր նշանակություն ունի այն հարցը, թե ինչն է ելակետը և ինչ պատմական իրողությունների վրա ենք կառուցելու մեր հետագա հարաբերությունները»,- այս մասին ԱԺ նիստում դիմելով Եվրոպական ինտեգրման հարցերի մշտական հանձնաժողովի նախագահի թեկնածու Արման Եղոյանին՝ նշեց «Հայաստան» դաշինքի պատգամավոր Արծվիկ Մինասյանը՝ հիշատակելով քարտեզներ ու փաստեր, ըստ որոնց՝ 43 070 քառակուսի կմ-անոց Հայաստան է թողնվել բոլշևիկյան Հայաստանին:
«Ամեն գնով փորձում են Սովետական Հայաստանի անընդհատ կրճատված տարածքները ներկայացնել որպես ՀՀ պետական սահման,- նկատեց Մինասյանը:
Եղոյանը պատասխանեց, որ ի տարբերություն շատ դաշնակցականների, ինքը շատ լավ գիտի Առաջին հանրապետության պատմությունը: «Ձեր նշած մոտ 42 հազար կմ-ն այն է, ինչը դաշնակցական կառավարությունը համաձայնեցրել է ռուսական կառավարության հետ, որ պետք է մնար, սակայն այդտեղ նշված են հողեր, որոնք մեր վերահսկողության տակ չէին արդեն այդ պահին: Հիմա ի՞նչ ասեմ, ասեմ՝ դաշնակցականների ապիկար կառավարման հետևա՞նք էր դա… Ասեմ՝ վարչապետ Համո Օհանջանյանը հոտատո՞ւ է, Կա՞րս է հանձնել, Արդահա՛ն… Ես այդպես չեմ ասի, որովհետև չեմ կարծում՝ հող է հանձնել, կարծում եմ՝ որպես հայրենասեր հայ պայքարել է թուրքական ագրեսիայի դեմ մինչև վերջ ու պահել է այնքան, ինչքան հաջողվել է: Ես չեմ պիտակավորի Առաջին հանրապետության հիմնադիրներին, բայց ձեր տրամաբանությամբ ստացվում է, որ պետք է ասենք՝ հողեր են հանձնել: Բայց որևէ մեկից խլվածը չի կարելի համարել հանձնած…»:
«Փաստորեն ոչ միայն նրբանկատ չեք, այլ բավական սանձարձակ հայտարարություններ եք անում, պարո՛ն Եղոյան»,- նշեց Արծվիկ Մինասյանը՝ հավելելով, որ նա պիտակավորումներ է տալիս:
ԱԺ փոխնախագահ Հակոբ Արշակյանը միջամտեց. «Երևի նկատի ունեք համարձակ հայտարարություններ, պարո՛ն Մինասյան, այլապես պետք է կոռեկտության կոչ անեմ»:
Մանրամասները՝ տեսանյութում:
