25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Վրաստանի արևելքում անտառային հրդեհներ են բռնկվել․ հրշեջները փորձում են հանգցնել կրակը
Քաղաքականություն
12.08.2021 | 16:12
Հրշեջները փորձում են չեզոքացնել Վրաստանի արևելքում գրանցված անտառային հրդեհները։ Կախեթիում՝ Կվարելի քաղաքից մի քանի կիլոմետր հեռավորության վրա, վառվում է ստորին անտառածածկույթը։ Այս մասին հայտնում է «Սպուտնիկի» վրացական ծառայությունը՝ հղում կատարարելով արտակարգ իրավիճակների վարչությանը։
Գերատեսչության տվյալների համաձայն՝ ողջ գիշեր դեպքի վայրում աշխատել են հրշեջների մի քանի ջոկատ։
Կրակի մեկուսացման ուղղությամբ տարվող աշխատանքները շարունակվում են։
Ինչպես հայտնել են մամլո ծառայությունից, իրավիճակը գտնվում է վերահսկողության տակ։ Կրակը չի սպառնում բնակավայրերին։
Հրդեհի վառման հստակ մակերեսը հստակեցվում է։
Ավելի վաղ Վրաստանի արտակարգ իրավիճակների ու շրջակա միջավայրի ազգային գործակաությունը նախազգուշացրել էր հնարավոր անտառային հրդեհների մասին՝ երկրում հաստատված շոգ եղանակի պատճառով։
Տաթև Ֆռանգյան
