31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Ռայիսին հայտարարել է, որ Թեհրանի և Անկարայի հարաբերությունները ծառայում են տարածաշրջանում խաղաղությանն ու կայունությանը
Քաղաքականություն
12.08.2021 | 15:20
Իրանի նախագահ Իբրահիմ Ռայիսին հայտարարել է, որ Թեհրանի և Անկարայի հարաբերությունները ծառայում են տարածաշրջանում խաղաղությանն ու կայունությանը, գրում է Tasnim news agency-ն:
Իր թուրք գործընկեր Ռեջեփ Թայիփ Էրդողանի հետ վերջինիս նախաձեռնած հեռախոսազրույցի ընթացքում Ռայիսին հայտարարել էր, որ Իրանի և Թուրքիայի սերտ համագործակցությունն էական նշանակություն ունի տարածաշրջանում խաղաղության և անվտանգության համար:
Ռայիսին նաև շեշտել է, որ Իսլամական Հանրապետությունը մեծ նշանակություն է տալիս այդ հարաբերություններին։
«Թեհրանի և Անկարայի համագործակցությունը շատ օգուտներ է բերում մահմեդական Ումայի (մահմեդական պետություններ) համար»,- ասել է նա:
Էրդողանն իր հերթին վստահություն է հայտնել, որ Թուրքիայի ու Իրանի միջև երկկողմ ու տարածաշրջանային հարաբերությունները բոլոր ոլորտներում կխորանան Ռայիսի իշխանության օրոք։
Տաթև Ֆռանգյան
