20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Անկարայում թուրքերը հարձակվել են սիրիացիների տների ու բիզնեսների վրա
Քաղաքականություն
12.08.2021 | 13:35
Թուրքիայի մայրաքաղաք Անկարայում բազմաթիվ թուրքեր նախօրեին երեկոյան դուրս են եկել փողոց ու հարձակվել Ալթընդաղ թաղամասի սիրիացիների տների ու բիզնեսների վրա։ Այս մասին գրում է Duvar-ը՝ նշելով, որ այս ամենը ցույց է տալիս, թե ինչի կարող է հանգեցնել քաղաքական գործիչների ռասիստական քաղաքականությունն ու սոցիալական մեդիայում տարածվող կեղծ լուրերը։
Սոցիալական ցանցերում տարածված տեսանյութերում երևում է, որ հակասիրիական ու իսլամիստական կարգախոսներով ամբոխը հարձակվում է սիրիացիների ունեցվածքի վրա։ Լրագրող Ալիջան Ուլուդաղն էլ լուսանկար է հրապարակել Օնդեր և Բաթթալգազը թաղամասերից՝ նշելով, որ այրվում են մեքենաներ ու շինություններ։
Նախնական տեղեկություններով՝ հարձակմանը մասնակցել է շուրջ 1000 հոգի, ոստիկանությունն էլ չի կարողացել կասեցնել նրանց։
Անկարայի նահանգապետարանն ավելի ուշ հայտարարություն է տարածել՝ նշելով, որ միջադեպը հարթվել է «քաղաքացիների սառնասրտության ու անվտանգության ուժերի ջանքերի շնորհիվ»։
Էմմա Չոբանյան
