Քաղաքականություն
12.03.2018 | 16:16
ՀՀ ԱԳՆ խոսնակ Տիգրան Բալայանը Թվիթերի իր միկրոբլոգում գրառում է կատարել Ադրբեջանում այսօր մեկնարկած զորավարժությունների մասին:
«Ադրբեջանը զինավարժություններ է սկսել (Ալիևի նախընտրական կոմպանիայի ամենամարդաշատ միջոցառումը) `ԵԽԽՎ պարտավորությունների բացահայտ խախտմամբ ու առանց ԵԱՀԿ-ի անդամ պետություններին նախնապես ծանուցելու»,- գրել է նա:
Հիշեցնենք, որ մարտի 12-ից 17-ը Ադրբեջանում անց են կացվելու ԶՈւ լայնամասշտաբ վարժանքներ: Զորավարժություններին կներգրավվեն շուրջ 25 հազար զինծառայող, 250 միավոր տանկ, այլ զրահատեխնիկա, տարբեր տրամաչափի հրթիռա-հրետանային 1000 համակարգեր, ականանետներ, մինչև 50 միավոր ավիացիոն տեխնիկա:
