19.12.2025 | 23:10
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Ալիևը բողոքել է Էրդողանին «սահմանին Հայաստանի իրականացրած սադրանքներից»
Քաղաքականություն
06.08.2021 | 15:56
Ադրբեջանի նախագահ Իլհամ Ալիևն ու Թուրքիայի նախագահ Ռեջեփ Թայիփ Էրդողանն այսօր հեռախոսազրույց են ունեցել։
Ադրբեջանական լրատվամիջոցների հաղորդմամբ՝ Ալիևն է զանգահարել Էրդողանին ու իր ցավակցությունները հայտնել Թուրքիայում անտառային հրդեհների հետևանքով զոհերի կապակցությամբ՝ նշելով,որ շարունակելու են օգնություն ցուցաբերել հրդեհների դեմ պայքարում։
Բացի այդ երկու երկրների ղեկավարները քննարկել են նաև հայ-ադրբեջանական սահմանային իրավիճակը։
Տեղական լրատվամիջոցների փոխանցմամբ՝ Ալիևը նաև Էրդողանին տեղեկացրել է հայ-ադրբեջանական սահմանին իբր «Հայաստանի կողմից իրականացվող սադրանքների» մասին։
«Առաջնորդները նաև կարծիքներ են փոխանակել հետկոնֆլիկտային փուլում տարածաշրջանային գործընթացների մասին»,- ասվում է հաղորդագրության մեջ։
Հավելենք, որ մայիսի 12-ից ադրբեջանական զինված ուժերը ներխուժել են ՀՀ ինքնիշխան տարածք Գեղարքունիքի ու Սյունիքի մարզերում ու հրաժարվում են հեռանալ։ Ադրբեջանը պարբերաբար սադրանքներ է իրականացվում, ինչպես հայ-ադրբեջանական սահմանի Նախիջևանի, այնպես էլ Գեղարքունիքի հատվածում։
Էմմա Չոբանյան
