01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Պատվաստվածների մոտ COVID19-ով վարակվելու հավանականությունը առնվազն 2 անգամ ցածր է
Քաղաքականություն
05.08.2021 | 18:07
Լոնդոնի կայսերական քոլեջը ներկայացրել է REACT-1 հետազոտության տվյալները, որում գնահատվում է Անգլիայի բնակչության շրջանում կորոնավիրուսով հիվանդացության մակարդակն ու դրա վրա ազդող գործոնները։ Արդյունքները ցույց են տալիս, որ զանգվածային պատվաստումները կարող են կանխել հիվանդության նոր բռնկումները, գրում է Medportal.ru-ն։
REACT1-ի հերթական փուլի ընթացքում, որն անցկացվել է հունիսի 24-ից հուլիսի 12-ը, մոտ 100 հազ. կամավոր ՊՇՌ թեստ է հանձնել։ Գիտնականները պարզել են, որ կորոնավիրուսի հնդկական դելտա շտամը գրեթե ամբողջությամբ դուրս է մղել վիրուսի այլ տեսակներին, քանի որ վարակակիրների 100 %-ի մոտ արձանագրվել է հենց այդ շտամը։
Պարզվել է, որ վարակման ամենաբարձր ցուցանիշը 13-24 տարեկանների մոտ է այս տարիքային խմբին բաժին է հասնում վարակման նոր դեպքերի 50 տոկոսը։
Հիվանդացության ամենացածր տոկոսը 75 ու բարձր անձանց մոտ է գրանցվել։ Մասնագետները սա բացատրում են նրանով, որ, ըստ առաջնահերթության, նախ պատվաստվել են տարեցները, իսկ երիտասարդներից շատերը դեռ պատվաստված չեն։ Տվյալների ճշգրտումից հետո տարբեր գործոնների համադրմամբ հետազոտության հեղինակներն արձանագրել են, որ երկու դեղաչափ պատվաստում ստացած քաղաքացիների մոտ վարակման ռիսկը 50-60 տոկոսով ավելի քիչ է, քան չպատվաստվածների մոտ։ Բացի այդ, ամբողջապես պատվաստված, սակայն կրկին վարակված մարդկիկ ավելի քիչ հավանականությամբ վարակը կփոխանցեն մյուսներին, քանի որ նրանց մոտ վարակի բեռնվածությունը քիչ է։
Էմմա Չոբանյան
