14.03.2026 | 15:20
NYMEX. Թանկարժեք մետաղների գները նվազել են
Ադրբեջանի ՊՆ ղեկավարը խոսել է հայ-ադրբեջանական սահմանի իրավիճակից և դժգոհել ՀՀ սպառազինումից
Քաղաքականություն
12.12.2024 | 16:07
Ադրբեջանի ՊՆ ղեկավար Զաքիր Հասանովը Բաքվում Թուրքիայի ռազմաօդային ուժերի հրամանատար, բանակի գեներալ Զիյա Ջեմալ Քադըօղլուի գլխավորած պատվիրակության հետ հանդիպմանը տեղեկացրել է «ադրբեջանա-հայկական պայմանական սահմանին ներկա օպերատիվ իրավիճակի մասին՝ ընդգծելով Հայաստանի վերազինման բացասական ազդեցությունը տարածաշրջանում խաղաղության և կայունության պահպանման վրա», ասվում է Ադրբեջանի ՊՆ-ի տարածած հաղորդագրությունում։
Նշելով, որ Ադրբեջանի և Թուրքիայի միջև ռազմավարական դաշինքը հիմնված է բարեկամական և եղբայրական հարաբերությունների վրա՝ Հասանովն ընդգծել է երկու երկրների միջև ռազմական համագործակցության հետագա զարգացման կարևորությունը։
Թուրքական պատվիրակությանն ընդունել են նաև Ադրբեջանի բանակի գլխավոր շտաբի պետ, գեներալ-գնդապետ Քերիմ Վելիևը և պաշտպանության նախարարի խորհրդական գեներալ-գնդապետ Բահթիյար Էրսայը։ Վերջինը, ի դեպ, Թուրքիայի ԶՈՒ գեներալ է։
Քննարկվել են ռազմական համագործակցության զարգացման հեռանկարները, նշվել է փորձի փոխանակման և զորքերի համակարգման ապահովման նպատակով համատեղ զորավարժությունների անցկացման կարևորությունը։
Թարգմանությունը՝ Էմմա Չոբանյանի
