17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ճանապարհատրանսպորտային պատահարների մեծ մասը չէր գրանցվում․ Պողոս Շահինյան. ՏԵՍԱՆՅՈՒԹ
Հասարակություն
03.08.2021 | 13:47
ՄԻնչ տեսախցիկները և արագաչափերը 2011թ-ից, և դա բավականին նվազեցրեց ճանապարհատրանսպորտային պատահարների քանակը: Մինչև ԱՊՊԱ-ների ձևավորումը, ճանապարհատրանսպորտային պատահարների մեծ մասը չէր գրանցվում: Այս մասին այսօր հրավիրվածասուլիսում նշեց «Ճանապարհային անվտանգության ազգային խորհրդի» ղեկավար Պողոս Շահինյանը:
Նա նաև նշեց, որ Հայաստանում քննարկվում է ավտոշուկայի թարմացման հարցը: Այն ներառված է ճանապարհային երթևեկության անվտանգության ռազմավարությունում՝ մաս կազմելով անվտանգային համակարգի բարելավման ծրագրի:
«Հայաստանում առաջին ճանապարհային երթևեկության անվտանգության ռազմավարությունն ընդունվել է 2009 թվականին: Ընդունումից հետո՝ առաջին իսկ տարում, հաջողությունը տեսանելի եղավ: Ավտոպատահարների հետևանքով զոհերի քանակը 20 տոկոսով նվազեց: Ռազմավարությունն իր գործունեության ծրագրով ավարտվեց 2013 թվականին, և դրանից հետո Հայաստանը չի ունեցել վերափոխված, թարմացված ռազմավարություն: Այժմ մշակվել է նոր ռազմավարություն, որի հիմնական շեշտը շվեդական մոդելն է՝ տեսլական զրո ( vision zero): Դա այն է, երբ երկիրը ձգտում է ճանապարհին պատահարների հետևանքով գրանցված զոհերի կտրուկ նվազեցման:
«Ռազմավարությունը ենթադրում է անվտանգային համակարգի բարելավում, ենթակառուցվածքների ձևավորում՝ նոր մոտեցումներով: Անվտանգ ճանապարհ, անվտանգ ավտոմեքենա, ճանապարհների միջազգային ստանդարտներին համապատասխան կահավորում. այս եռանկյունին պետք է կարողանանք ապահովել: Եթե ճանապարհը լավն է, բայց ավտոմեքենան հին է, ապա վթարն անխուսափելի է: Կամ հակառակը, ավտոմեքենան է լավը, ճանապարհն է անմխիթար, ապա կունենանք նույն արդյունքը»,- ասաց Պողոս Շահինյանը: Նա նկատեց, որ Հայաստանը, ավտոմեքենաների անվտանգության տեսանկյունից, գտնվում է եվրոպական ստանդարտի երրորդ գոտում:
Մանրամասները՝ տեսանյութում:
