Քաղաքականություն
02.08.2021 | 09:45
COVID-ի պատվաստանյութերի մեծ պաշարներ ունեցող պետությունները պետք է դրանք կիսեն այլ երկրների հետ, ասվում է Առողջապահության համաշխարհային կազմակերպության (ԱՀԿ) գլխավոր տնօրենի հատուկ բանագնացների հոդվածում. գրում է ՏԱՍՍ-ը:
«Շատ երկրներ պատվաստանյութերի պակաս ունեն ու այն պետությունները, որոնք ունեն մեծ պաշարներ, չպետք է դրանք կուտակեն ՝ իրենց ամբողջ բնակչությանը հասցնելու համար: Դա նույնիսկ նրանց ձեռնտու չէ. հավանականությունը, որ կհայտնվեն վարակի ավելի փոխանցելի և վտանգավոր տարբերակներ, կարող է հանգեցնել նրան, որ առկա դեղերի արդյունավետությունը կնվազի», – ասվում է հոդվածում:
ԱՀԿ հատուկ բանագնացները նաև կոչ են անում բնակչության առավել խոցելի խմբերի `բժիշկների, տարեցների, ուղեկցող պաթոլոգիաներով մարդկանց պատվաստումը դարձնել առաջնային խնդիրը:
«Մինչև 2021 թվականի սեպտեմբեր աշխարհի բնակչության առնվազն 10%-ը կստանա պատվաստանյութը, մինչև դեկտեմբեր ՝ արդեն 40%-ը, իսկ 2022 թվականի կեսերին ՝ 60%-ը: Այս նպատակին հասնելու համար անհրաժեշտ է, որ չորս ամսվա ընթացքում 250 միլիոն մարդ պատվաստվի ցածր և միջին եկամուտ ունեցող երկրներում, և առաջնահերթությունը պետք է լինեն բժիշկներն ու ռիսկի ենթակա մարդիկ», – նշվում է հոդվածում:
