17.12.2025 | 15:44
Նպաստի նոր տեսակ՝ երեխա ունեցող ընտանիքների համար․ փոխնախարարը մանրամասնում է․ ՏԵՍԱՆՅՈՒԹ
Ադրբեջանը կրկին կրակել է Երասխի հատվածում. ԱԺ-ում քննարկում են վիրավորանքի համար տուգանքները. Լուրեր
Քաղաքականություն
30.07.2021 | 15:14
Ադրբեջանական զինված ուժերը ժամը 11։20-ից մինչև 11։30-ը, դիպուկահար զենքերից և տարբեր տրամաչափի հրաձգային զինատեսակներից կրակ են բացել Երասխի հատվածում տեղակայված հայկական դիրքերի ուղղությամբ։ Հայտնել են ՀՀ ՊՆ-ից։ Պատասխան գործողություններով հակառակորդի կրակը լռեցվել է։ Հայկական կողմից տուժածներ չկան։
—
Գիշերը Գեղարքունիքի ուղղությամբ խոսված ադրբեջանական ԱԹՍ-ի բեկորներն ընկել են Վանեվան գյուղում։ Վանեվանի համայնքապետ Իգոր Հարությունյանը Factor.am-ի հետ զրույցում հայտնել է, որ համայնքը սահմանից բավականին հեռու է, սակայն ԱԹՍ-ի խոցման ձայնը լսվել է։ Ըստ նրա՝ անօդաչու թռչող սարքի բեկորների ընկնելու հետևանքով վնասներ չեն պատճառվել։
—
Ազգային ժողովում քննարկել են նախագիծ, որն առաջարկում է բարձր տուգանքներ սահմանել անձին վիրավորելու համար։ Ընդ որում՝ ուղղակի վիրավորանքը կտուգանվի 100-500 հազար դրամով, իսկ եթե վիրավորանքը պայմանավորված է եղել է անձի հանրային գործունեությամբ, օրինակ՝ պաշտոնյաների դեպքում, կպատժվի 500 հազարից 1 մլն դրամով։
—
