18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Գեղարքունիքում հակառակորդի ԱԹՍ է խոցվել․ սահմանի վիճակին արձագանքել է ԵԱՀԿ նախագահը․ Լուրեր
Քաղաքականություն
30.07.2021 | 12:23
Գիշերը, ժամը 23։00-ից սկսած, հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր․ հաղորդում են ՀՀ ՊՆ-ից։ ՀՀ ԶՈՒ հակաօդային պաշտպանության ստորաբաժանումների գործողությունների արդյունքում բոլոր փորձերը կասեցվել են։ Մասնավորապես՝ խոցվել է Ադրբեջանի ԶՈՒ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։
ՊՆ-ից հաղորդում են, որ հուլիսի 29-ի երեկոյան և հուլիսի 30-ի ժամը 07:00-ի դրությամբ իրադրությունը հայ-ադրբեջանական սահմանի ամբողջ երկարությամբ հարաբերականորեն կայուն է:
—
ԵԱՀԿ գործող նախագահ, Շվեդիայի արտաքին գործերի նախարար Անն Լինդեն թվիթերում անդրադարձել է հայ-ադրբեջանական սահմանի իրավիճակին։ Նա նշել է, որ կրկնվող միջադեպերը մտահոգություն են առաջացնում։ Լինդեն կոչ է արել հիմնվել վերջին հումանիտար քայլերի վրա և ամբողջությամբ կատարել նոյեմբերի 9 -ի հայտարարությունը։
—
Ադրբեջանական զինված ուժերի իրական հանցավոր արարքների պատճառով գյուղերի բնակիչները զրկվել են արոտավայրերից, խոտհարքներից ու վարելահողերից: Այս մասին հայտնել է ՄԻՊ Արման Թաթոյանը և ներկայացրել է մանրամասներ։ Կութ գյուղում ադրբեջանական զինված ուժերը ֆիզիկապես ներկա են առնվազն 500 հա արոտավայրի, 500 հա խոտհարքի, 20 հա վարելահողի տարածքի վրա: Նույնպիսի վիճակ է Նորաբակ գյուղում։ Ջաղացաձոր, Գեղամաբակ, Նորաբակ գյուղերի բնակիչները զրկվել են խմելու և ոռոգման ջրից:
