19.05.2026 | 14:08
Իրանի խաղաղության նոր առաջարկը ներառում է պատերազմական վնասի փոխհատուցում և ամերիկյան զորքերի դուրսբերում
Կսահմանափակվի սահմանային շերտում տեսալուսանկարահանումը և քաղաքացիների կողմից ԱԹՍ-ների կիրառումը. ՏԵՍԱՆՅՈՒԹ
Հասարակություն
30.07.2021 | 12:14
ԱԺ Պաշտպանության և անվտանգային հարցերի մշտական հանձնաժողովում քննարկվում է կառավարության ներկայացրած օրենքի նախագիծը, որով առաջարկվում է արգելել սահմանային շերտ մուտք գործած անձանց օգտագործել ԱԹՍ-ներ, տեսալուսանկարահանում անել:
«Պետական սահմանի մասին» օրենքում լրացում կատարելու մասին և Վարչական իրավախախտումների վերաբերյալ ՀՀ օրենսգրքում փոփոխություն կատարելու մասին օրենքների նախագծերի փաթեթի քննարկման ժամանակ ԱԺ պաշտպանության և անվտանգության հարցերի մշտական հանձնաժողովի անդամ Արմեն Խաչատրյանը, կարևորելով նախագծի ընդունումը, նշեց. «Բազմաթիվ դեպքեր են գրանցվում, երբ քաղաքացիների, զբոսաշրջիկների կողմից կիրառվում են թռչող սարքեր, լուսանկարահանումներ և տեսանկարահանումներ են իրականացնում, ինչն առաջացնում է և՛ մեր, և՛ հարևան պետության սահմանապահ զորքերի արդարացի դժգոհությունը: Այս կարգավորումը հրատապ պետք է իրականացվի»:
Խաչատրյանը նաև տեղեկացրեց, որ սահմանային շերտում ընդունված կանոնների խախտման համար սահմանվել է տուգանք 100 հազար դրամի չափով:
Հանձնաժողովում նախագծերի փաթեթը դրական եզրակացություն ստացավ:
Մանրամասները՝ տեսանյութում:
