17.09.2026 | 09:36
«Համապարփակ անվտանգություն և դիմակայունություն 2026» միջազգային համաժողովը. ՈՒՂԻՂ
Պեսկովը՝ ՌԴ սահմանակետեր տեղադրելու Փաշինյանի ասածի մասին․ 21 մլրդի չարաշահում Երևանի ՋԷԿ-ում․Լուրեր
Քաղաքականություն
29.07.2021 | 15:12
Ռուսաստանի նախագահի խոսնակ Դմիտրի Պեսկովը հայտարարել է, որ չի մեկնաբանում հայ-ադրբեջանական սահմանին ռուսական սահմանապահ ուժերի սահմանային կետեր տեղակայելու հարցը։ Այս գաղափարը, հիշեցնենք, կառավարության նիստին հնչեցրել էր վարչապետի պաշտոնակատար Նիկոլ Փաշինյանը։
—
Քննչական կոմիտեի հաղորդագրությունից հայտնի է դառնում, որ գիշերը 3։00-3։45 հատվածում Վերին Շորժայի առաջնագծում ադրբեջանցիների կրակոցների հետևանքով վիրավորվել է ՀՀ ԶՈՒ ավագ լեյտենանտ Հ․Ս․։
—
Գեղարքունիքի մարզպետը կառավարության նիստից հետո հայտնել է, որ սպան վիրավորվել է ուսի շրջանում, նրա վիճակը լավ է։ Գնել Սանոսյանը նաև տեղեկացրել է, որ կրակոցները եղել են նույն դիրքի ուղղությամբ, որտեղ երեկ թեժ մարտեր էին ընթացել
Մարզպետը նաև հայտնել է, որ որոշել են փակել Կութ գյուղի մուտքը՝ հաշվի առնելով մայիսին ադրբեջանցիների առաջխաղացումը այդ ուղղությամբ, ինչպես նաև նախորդ օրերի ադրբեջանցիների գործողությունները։
—
Գլխավոր դատախազությունում քրեական գործ է հարուցվել Երևանի ՋԷԿ-ում չարաշահումների վերաբերյալ։ ՊՎԾ ուսումնասիրության համաձայն՝ դրանց հետևանքով պետությանը հասցվել է շուրջ 21 մլրդ դրամի վնաս։
