29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Ռուս սահմանապահներ չեն տեղակայվել Գեղարքունիքի սահմանին. Գնել Սանոսյան. ՏԵՍԱՆՅՈՒԹ
Քաղաքականություն
29.07.2021 | 12:49
«Փոխհրաձգություն տեղի է ունեցել գիշերը և լուսադեմին: Դա տեղի է ունեցել այն դիրքի ուղղությամբ, որտեղ երեկ թեժ մարտեր էին ընթացել, մեկ վիրավոր ունենք, ուսի շրջանում է վիրավորումը, վիրահատել են, ամեն ինչ նորմալ է»,- կառավարությունում լրագրողների հետ զրույցում ասաց Գեղարքունիքի մարզպետ Գնել Սանոսյանը։
Մարզպետի խոսքով՝ այդ հատվածում ռուս խաղաղապահներ չկան տեղակայված: «Ռուսական կողմի հետ բանակցություններից մանրամասներ չեմ կարող հայտնել, բայց կարող եմ ասել, որ որոշակի պրոցես եղել է ու ակտիվ աշխատանքներ են իրականացվել, թե որտեղ կարող են տեղակայվել: Թե հիմա բանակցություններն ինչ փուլում են, չեմ կարող ասել, քանի որ ես չեմ մասնակցում բանակցություններին»,- նշեց Սանոսյանը։
Անդրադառնալով հարցին, թե ինչու է փակ Կութ գյուղի մուտքը, Գեղարքունիքի մարզպետը նշեց, որ դա պայմանավորված է անվտանգության նկատառումներով. «Կութի հարակից տարածքում հակառակորդի կողմից դեռ մայիսի 13-14-ից կա որոշակի առաջխաղացում, որոշում է կայացվել, որ այդպես վարվենք»:
Սանոսյանը հավելեց, որ Սոթքի հանքի աշխատակիցներն ու տեխնիկայի որոշ մաս դուրս է բերվել ու հանքն այս պահին չի աշխատում։
Մանրամասները՝ տեսանյութում:
