30.07.2026 | 23:29
Խուդաթյանն Իրանի ԱԳ նախարարի տեղակալի հետ քննարկել է էներգետիկ և տրանսպորտային համագործակցությունը
Ինչու Ռուստամ Բադասյանը չի մասնակցում կառավարության նիստերին. փոխնախարարը մեկնաբանում է. ՏԵՍԱՆՅՈՒԹ
Քաղաքականություն
29.07.2021 | 12:35
Արդարադատության նախարարի պաշտոնակատար Ռուստամ Բադասյանն արդեն որերորդ անգամ չի մասնակցում կառավարության նիստերին: Կառավարության նիստից հետո լրագրողների հարցին ի պատասխան, թե ինչու չի մասնակցում, արդյոք արդեն պատրաստվում է ՊԵԿ գնալուն, արդարադատության փոխնախարար Քրիստիննե Գրիգորյանը նշեց. «Դա պայմանավորված է նրանով, որ պարոն Բադասյանը նախորդ շաբաթը ՍԴ-ում էր, հիմա մեկ շաբաթով արձակուրդ է մեկնել և վերադառնալու է երեքշաբթի օրվանից»:
Հարցին՝ նա շարունակելո՞ւ է մնալ իր պաշտոնում, թե՞ գնալու է ՊԵԿ նախագահ, փոխնախարարը պատասխանեց. «Այս հարցի հետ կապված մամուլի հաղորդագրություն կունենանք, երբ պահը կլինի նպատակահարմար»:
Ինչ վերաբերում է տեղեկություններին, թե արդարադատության նախարար է նշանակվելու մարդու իրավունքների նախկին պաշտպան Կարեն Անդրեասյանը, Քրիստիննե Գրիգորյանն ասաց. «Որևէ բան չեմ կարող ասել: Պարոն Անդրեասյանի հետ, եթե առիթը կայանա, այո՛, կաշխատեմ»:
Մանրամասները՝ տեսանյութում:
