19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Թուրքիայի Ազգային Մեծ ժողովի նախագահը հայտարարել է, որ բանակցություններ են ընթանում թյուրքական բանակի ստեղծման շուրջ
Քաղաքականություն
28.07.2021 | 16:44
Ադրբեջանում գտնվող Թուրքիայի Ազգային Մեծ ժողովի նախագահ Մուստաֆա Շենթոփն այսօր տեղի ունեցած մամուլի ասուլիսի ժամանակ հայտարարել է, որ բանակցություններ են ընթանում՝ համատեղ թյուրքական բանակի ստեղծման շուրջ։ Այս մասին գրում են տեղական լրատվամիջոցները։
Շենթոփը նշել է, որ ձեռք բերված պայմանավորվածությունների շրջանակում էլ անցկացվում են երկու երկրների զորավարժությունները։
«Չնայած սրան՝ մեր գաղափարն է «մեկ ազգ՝ երկու պետություն»։ Եվ այդպես կլինի միշտ։ Այդ առնչությամբ բազմաթիվ բանակցություններ են տեղի ունեցել, պայմանավորվածություններ են ձեռք բերվել»,- ասել է Շենթոփը։
Հավելենք, որ նախօրեին Ադրբեջանի, Թուրքիայի ու Պակիստանի խորհրդարանների նախագահներն առաջին անգամ եռակողմ նիստ անցկացրին, որից հետո կողմերը ստորագրեցին «Բաքվի հռչակագիրը»։
Նշենք նաև, որ Թուրքիայի և Պակիստանի պատվիարկություններն այցելելու են նաև Արցախի գրավյալ տարածքներ, այդ թվում՝ ադրբեջանական օկուպացիայի տակ գտնվող հայկական Շուշի քաղաքը։
Էմմա Չոբանյան
