24.08.2026 | 15:02
Ղազախստանի խորհրդարանական ընտրություններում իշխանամետ կուսակցությունը ստացել է ձայների ավելի քան 71 %-ը
Ռուս գործընկերների մասնակցությամբ բանակցությունները շարունակվում են․ Գնել Սանոսյան
Քաղաքականություն
28.07.2021 | 15:16
Հուլիսի 27-ի լույս 28-ի գիշերը հայ-ադրբեջանական զորքերի շփման գծի արևելյան հատվածում (Սոթք-Վերին Շորժա) սկսված մարտական գործողություններն առավոտյան ՌԴ-ի միջնորդությամբ դադարեցվել են։
Ինչպես Factor.am-ի հետ զրույցում հայտնեց Գեղարքունիքի մարզպետ Գնել Սանոսյանը՝ այս պահին Վերին Շորժայի մասում հանգիստ է, ռուս գործընկերների մասնակցությամբ բանակցությունները շարունակվում են։
Ավելի վաղ Պաշտպանության նախարարությունը հայտնել էր, որ ադրբեջանական կողմի նախաձեռնությամբ ժամը 03:40-ից սկսված մարտական գործողությունների հետևանքով երկու կողմն էլ կորուստներ ունի։ Հայկական կողմը երեք զոհ և չորս վիրավոր ունի։ Ադրբեջանն իր կորուստների մասին տվյալներ չի հրապարակել։
Ադրբեջանական ուժերն իրենց նախահարձակ գործողություններով Սոթքից մինչև Վերին Շորժա հատվածներում փորձել են բարելավել իրենց դիրքերը։ Հայկական զինված ուժերի զինծառայողներն էլ դիրքային պաշտպանությամբ կանխել են հակառակորդի առաջխաղացման փորձերը։
Արդյունքում, ըստ Հայաստանի պաշտպանական գերատեսչության, շփման գծի փոփոխություն տեղի չի ունեցել։
