19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
Գերմանիայում քիմիական գործարանում պայթյունի հետևանքով զոհ կա․ Լևերկուզենին վտանգ է սպառնում․ ԼՈՒՍԱՆԿԱՐՆԵՐ
Քաղաքականություն
27.07.2021 | 17:07
Գերմանիայի արևմուտքում Chempark քիմիական գործարանում պայթյունի հետևանքով մեկ մարդ է զոհվել։ Այս մասին գրում է Lenta-ն՝ վկայակոչելով Bild պարբերականը։
Աղբյուրի տեղեկացմամբ՝ տուժածների թիվը հասել է 16-ի, որոնցից 2-ի վիճակը ծանր է, ևս 4 մարդ անհետ կորած է համարվում։ Նշվում է, որ պայթյունին հետևած հրդեհի մարման աշխատանքներն ուշացումով են սկսվել, քանի որ նախ հարկ է եղել անջատել էլեկտրամատակարարման գծերը։
Լևերկուզեն քաղաքի քիմիական գործարանի հրդեհի տեսանյութում երևում է երկինք բարձրացող թունավոր ծխի հսկայական ամպը։ Միջադեպի պատճառները պարզվում են։
Chempark ընկերության ներկայացուցիչը հրավիրված ճեպազրույցում հայտնել է, որ գործարանում պայթյունից հետո Լևերկուզեն քաղաքի վտանգը պահպանվում է, արտանետումների բաղադրությունը հստակեցվում է։
«Այրվել են քլոր պարունակող լուծիչներ։ Հստակ անալիզ դեռևս չկա, այդ պատճառով մենք չենք չեղարկել վտանգի մասին նախազգուշացումը»,- ասել է ընկերության ներկայացուցիչը։
