08.01.2026 | 11:20
Բողոքի ցույցերը շարունակվում են, շուկան կիսափակ վիճակում է․ Մովսես Քեշիշյանը՝ Թեհրանում իրավիճակի մասին
Քաջարանի ղեկավարը կմնա կալանքի տակ․ բավարարվեց ՀՅԴ հայցն ընդդեմ Բաբաջանյանի․ Լուրեր
Քաղաքականություն
27.07.2021 | 15:36
Երասխի համայնքապետ Ռադիկ Օղիկյանը ֆեյսբուքյան գրառմամբ տեղեկացնում է, որ ապաքինվում է ու վերադարձել է առօրյա գործերին: Օղիկյանը հուլիսի 19-ին հայ-ադրբեջանական սահմանի Երասխի հատվածում հակառակորդի կրակոցների հետևանքով վիրավորում էր ստացել թևի շրջանում:
—
Քաջարանի համայնքապետ Մանվել Փարամազյանը կշարունակի մնալ կալանքի տակ: Այս մասին որոշումն այսօր ընդունել է վերաքննիչ քրեական դատարանը։ Փարամազյանին մեղադրանքներ են առաջադրված խարդախության, կաշառք ստանալու և ընտրողի կամքի ազատ արտահայտմանը խոչընդոտելու հոդվածներով։ Նա մեղադրանքները չի ընդունում։
—
Քաղաքացիական դատարանն անկախ պատգամավոր Արման Բաբաջանյանին պարտավորեցրել է 5 օրվա ընթացքում ներողություն խնդրել ՀՅԴ-ականներից: Բաբաջանյանը խորհրդարանում ակնարկել էր, դաշնակցականների և Հոկտեմբերի 27-ի դեպքերի միջև կապի մասին, ինչպես նաև թե ՀՅԴ առաջնորդներից Հրանտ Մարգարյանը թմրանյութի տեղափոխմամբ է զբաղվել։
—
