16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Սյունիքից 120 շահառու փոխհատուցում է ստացել պատերազմի հետևանքով հասցված վնասի համար․ ՏԵՍԱՆՅՈՒԹ
Հասարակություն
27.07.2021 | 13:13
Իրականացվել է 6 միջոցառում: Առաջին միջոցառումը վերաբերում է ՀՀ-ում պատերազմական գործողությունների հետևանքով ՀՀ քաղաքացիների անշարժ գույքին հասցված վնասների փոխհատուցմանը: Այս մասին այսօր հրավիրված ասուլիսում հայտնեց ՀՀ աշխատանքի և սոցիալական հարցերի նախարարության ինտեգրված սոցիալական ծառայությունների բաժնի պետ Արտակ Հարությունյանը՝ հավելելով, որ առաջին միջոցառումը մեկնարկել է անցյալ տարի, այս տարի մարտին շարունակվել է, այժմ ավարտված է: Նրա խոսքով՝ դիմումները ստացել են Սյունիքի մարզից, 120 շահառու, ըստ հասցված վնասի չափի, փոխհատուցում է ստացել շուրջ 52 միլիոն դրամ:
Հարությունյանը նշեց, որ երկրորդ միջոցառումը քաղաքացիական անձանց շրջանում զոհվածների, անհետ կորածների, հաշմանադմություն ձեռք բերած անձանց սոցիալական աջակցության տրամադրման միջոցառումն է: Այն մասամբ ավարտված է, մի մասով շարունակվում է: Զոհված անձանց ընտանիներին հատկացվել է 5 միլիոն դրամ, առաջին խմբի հաշմանդություն ձեռք վերած անձանց դեպքում՝ 3 միլիոն, երկրորդ խմբի՝ 2 միլիոն, երրորդ խմբի՝ 1 միլիոն դրամ, անհետ կործաների և գերեվածաների դեպքում՝ 1 միլիոն դրամ:
Երրորդ միջոցառումն ավարտված է. թեթև վիրավորում կամ վնասվածք ստացած, հոգեկան առողջության խնդիր ձեռք բերած զինծառայողներին սոցիալական աջակցություն է տրամադրվել, յուրաքանչյուր շահառուի 500 հազար դրամի սահմաններում՝ միանվագ: Շուրջ 7400 շահառուի վճարվել է 3,7 միլիարդ դրամ գումար:
Հաջորդ երեք միջոցառումները հյուրընկալության դիմաց փոխհատուցման են վերաբերում, սկսվել են դեկտեմբերին, կշարունակվեն ևս երկու ամիս:
Մանրամասները՝ տեսանյութում:
