17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Առաջին անգամ ոսկրածուծի ալոգեն փոխպատվաստում ստացած 2 հիվանդները Աֆրիկայից են. ՏԵՍԱՆՅՈՒԹ
Հասարակություն
27.07.2021 | 12:57
Հայաստանի Հանրապետությունում առաջին անգամ կատարվել է ոսկրածուծի ալոտրանսպլանտացիայի երկու վիրահատություն: Բուժառուներ են դարձել 5 և 1.8 տարեկան երեխաներ, որոնք Աֆրիկայից են:
Պրոֆեսոր Յոլյանի անվան արյունաբանական կենտրոնի փոխտնօրեն Կարեն Մելիքսեթյանը մամուլի ասուլիսի ժամանակ նշեց, 5-ամյա նիգերիացի տղայի ալոտրանսպլանտացիան իրականացնելու համար ցողունային բջիջների դոնոր է դարձել նրա երկվորյակ քույրը: «Նիգերիացի փոքրիկն այստեղ էր եկել 4.9 տարեկանում և նրա 5-րդ տարեդարձը նշեցինք մեզ մոտ՝ հիվանդանոցում:
1.8 տարեկան կամերունցի բուժառուի դոնորն էլ դարձել է նրա 12-ամյա եղբայրը։ Առաջինին վիրահատել են հուլիսի 7-ին, երկրորդին՝ հուլիսի 13-ին։ Վիրահատությունից առաջ 18 օրվա ընթացքում բուժառուները ստացել են բարձր չափաբաժնով քիմիաթերապիա, ինչից հետո նրանց ներարկել են մոտ 200 մլ ցողունային բջիջներ՝ ստացված դոնորներից։ Երկու պացիենտն էլ այժմ իրենց լավ են զգում, առաջինին հիվանդանոցից դուրս կգրեն արդեն այսօր՝ հուլիսի 27-ին, երկրորդին՝ մեկ շաբաթ անց»,- նշեց Մելիքսեթյանը։
Նա շեշտեց, որ հայերը չեն հիվանդանում մանգաղաձև բջջային անեմիայիով, քանի որ այն հատուկ է աֆրիկյան պետություններին, որոշ չափով էլ՝ արաբական երկրների բնակիչներին:
Մանրամասները՝ տեսանյութում:
