01.07.2026 | 20:38
Ադրբեջանի և Հայաստանի հարաբերությունների կարգավորման գործընթացը հաջողությամբ շարունակվում է․ Ալիևը՝ ԵՀ նախագահին
Norway Chess. Լևոն Արոնյանը երրորդ անընդմեջ ոչ-ոքին է արել
09.06.2017 | 11:56
Ստավանգերում ընթացող Norway Chess գերհզոր մրցաշարի երրորդ տուրում գրոսմեյստեր Լևոն Արոնյանը կրկին ոչ-ոքի է խաղացել: Այս մասին հայտնում է ՀԱՕԿ-ի պաշտոնական կայքը:
Հայ գրոսմեյստերի մրցակիցն այս անգամ Նիդեռլանդների ներկայացուցիչ Անիշ Գիրին է եղել:
Կարլսեն – Նակամուրա, Կրամնիկ – Սո, Վաշյե-Լագրավ – Կարուանա, Կարյակին – Անանդ պարտիաները ևս ավարտվել են ոչ-ոքի հաշվով:
Մրցաշարային աղյուսակ. 1-2. Նակամուրա, Կրամնիկ` 2-ական միավոր, 3-8. Կարյակին, Արոնյան, Կարուանա, Կարլսեն, Սո, Վաշյե-Լագրավ` 1.5-ական, 9-10. Գիրի, Անանդ` 1-ական միավոր:
Հունիսի 10-ին կայանալիք չորրորդ տուրում Արոնյանը սպիտակներով կխաղա աշխարհի չեմպիոն Մագնուս Կարլսենի հետ:
