30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
ԱՄՆ-ն ավիահարվածներ է հասցրել Աֆղանստանում առաջխաղացող թալիբների դիրքերին
Քաղաքականություն
23.07.2021 | 19:59
ԱՄՆ-ն ավարտում է իր զորքերի դուրսբերումն Աֆղանստանից, սակայն անօդաչուներով մի քանի հարված է հասցրել առաջխաղացող «Թալիբանի» դիրքերին։ Միևնույն ժամանակ, Տաջիկստանը հայտարարել է, որ պատրաստ է Աֆղանստանից մինչև հարյուր հազար փախստական ընդունել, գրում է BBC-ն:
Պենտագոնի խոսնակ Ջոն Քիրբին լրագրողներին հայտնել է, որ վերջին օրերին ամերիկյան բանակն ավիահարվածներով աջակցել է Աֆղանստանի կառավարական զորքերին:
Քիրբին մանրամասներ չի հայտնել, սակայն ամերիկյան մամուլը, վկայակոչելով Պենտագոնում անանուն պաշտոնյաներին, պարզաբանում է, որ չորեքշաբթի գիշերը երկու անօդաչուից հարվածներ են հասցվել երկրի հարավում գտնվող Կանդահար նահանգի նույնանուն մայրաքաղաքի մոտերքում թալիբների դիրքերին: «Թալիբները» վերջին օրերին փորձում են գրավել այդ քաղաքը։
NBC հեռուստաընկերությունը հայտնում է, որ ԱԹՍ-ներից հարվածներ են հասցվել ինչպես կենդանի ուժին, այնպես էլ զինտեխնիկային, որոնք գրավել են թալիբները։ Իշխանական ուժերը, նահանջելով ողջ երկրի տարածքով, թողնում են այն ռազմատեխնիկան, որը նրանց մատակարարել է ԱՄՆ։
Տաթև Ֆռանգյան
