27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
AstraZeneca-ն հայտարարել է իր պատվաստանյութի՝ «Բետա», «Գամմա» և «Դելտա» շտամների դեմ արդյունավետության մասին
Քաղաքականություն
23.07.2021 | 22:44
AstraZeneca ընկերությունից հայտնում են, որ ընկերության կորոնավիրուսի դեմ պատվաստանյութն առաջին դեղաչափից հետո 82% -ով նվազեցնում է COVID- ից մահվան հավանականությունը: Միևնույն ժամանակ, բարձր արդյունավետություն է գրանցվում «Բետա», «Գամմա» և «Դելտա» շտամների դեմ: Այս մասին հայտնել են AstraZeneca- ի մամուլի ծառայությունից:
Նշվում է, որ Կանադայում կատարված ուսումնասիրության արդյունքները ցույց են տվել, որ Vaxzevria- ի (պատվաստանյութի կոմերցիոն անվանումը) մեկ դեղաչափը 82% արդյունավետ է եղել «Բետա» / «Գամմա» շտամով վարակվածների շարքում հոսպիտալացման կամ մահվան դեպքերի դեմ:
Պատվաստանյութը նաև բարձր արդյունավետություն է ցույց տվել «Դելտա» և «Ալֆա» շտամների դեմ՝ հոսպիտալացման կամ մահացության նվազեցմամբ՝ համապատասխանաբար 87% և 90%-ով։ Vaxzevria-ի արդյունավետությունը մեկ դեղաչափից հետո համանման արդյունավետություն է ցուցաբեր, ինչպիսին ունեցել են փորձաքննություն անցած մյուս պատվաստանյութերը։
Ընկերությունը շեշտել է, որ Vaxzevria- ն արդյունավետ է մեղմ սիմպտոմատիկ հիվանդության դեմ, չնայած երկրորդ դեղաչափն էապես բարձրացնում է պաշտպանության մակարդակը:
Տաթև Ֆռանգյան
