Քաղաքականություն
23.07.2021 | 12:54
Ֆրանսիայի Ազգային ժողովի պատգամավորներն այսօր առաջին ընթերցմամբ հավանություն են տվել երկրի կառավարության կողմից մշակված կորոնավիրուսի դեմ նոր քայլերի մասին օրինագծին, որը, մասնավորապես, նախատեսում է մի շարք մասնագետների պարտադիր պատվաստում, այդ թվում նաև՝ բժիշկների, հրշեջների, զինվորականների։
EADaily-ի հաղորդմամբ՝ օրինագծի օգտին քվեարկել է 117 պատգամավոր, դեմ՝ 86։ Ստորին պալատում մեծամասնություն են կազմում իշխող «Առա՛ջ, հանրապետությո՛ւն» կուսակցությունը։
Օրինագիծը, որը հրատապ կերպով մշակվել է Ֆրանսիայի կառավարության կողմից կորոնավիրուսի դելտա շտամի տարածման աճի պայմաններում, նախատեսում է բժշկական անձնակազմի, հրշեջների և որոշ խմբի զինվորականների պարտադիր պատվաստում: Նրանք, ովքեր ժամանակին չեն պատվաստվի, կարող են աշխատանքից ազատվել:
Նախատեսվում է նաև զգալիորեն ընդլայնել սանիտարական անցաթղթի կիրառումը, որը պետք է պարունակի ամբողջական տվյալներ պատվաստման, վերջերս բացասական ՊՇՌ թեստի կամ հակամարմիններ ունենալու մասին տվյալներ։ Այս փաստաթղթերը պարտադիր պետք է ներկայացնեն սպասարկման ոլորտում աշխատող բոլոր մարդիկ: Այն պետք է ներկայացվի նաև հանգստի և մշակույթի բոլոր հասարակական վայրերում:
Տաթև Ֆռանգյան
