24.08.2026 | 15:44
Պապիկյանը եղել է այդ զորամասում դեպքից երկու օր առաջ. որպես ի՞նչ. Գեղամ Մանուկյան. ՏԵՍԱՆՅՈՒԹ
Խաչատուր Սուքիասյանի եղբայրը կալանավորվեց․ ԱԱԾ գործողությունը՝ Վերաքննիչ դատարանի շենքում․ Լուրեր
Քաղաքականություն
22.07.2021 | 15:41
Գործարար, ՔՊԿ ցուցակով պատգամավոր ընտրված Խաչատուր Սուքիասյանի եղբայրը՝ Ռոբերտ Սուքիասյանը, կալանավորվել է։ Այս մասին հայտնել է քննչական կոմիտեն՝ ներկայացնելով Ամիրյան փողոցում կրակոցների միջադեպի մանրամասները։ Նույն միջադեպի մասնակից Նարեկ Կարապետյանին ձերբակալելու որոշում է կայացվել։
—
ԱԱԾ-ն գործողություններ է իրականացրել Վերաքննիչ քրեական դատարանի շենքում։ Factor.am-ի տեղեկություններով՝ գործողությունը կապված է եղել գործերը դատավորներին մակագրող համակարգչի հետ։ Այլ մանրամասներ հայտնի չեն։
—
Ոստիկանությունը մանրամասներ է հայտնել երեկվա ուժեղացված ծառայության մասին։ Տարբեր կասկածանքներով բաժիններ բերման է ենթարկվել 49 անձ, կատարվել են խուզարկություններ ու զննություններ, որոնց արդյունքում հայտնաբերվել է տարբեր տեսակի հրազեն՝ ընդհանուր 10 հատ, զինամթերք, այդ թվում՝ փամփուշտներ։ Բերման ենթարկված անձանցից երկուսը ձերբակալվել են։
—
Արցախի Ասկերանի շրջանի՝ ադրբեջանական վերահսկողության հանձնված տարածքում ևս 2 ադրբեջանցի է պայթել ականի վրա։ Տեղում շինարարություն անող երկու անձինք պայթել են հակատանկային ականի վրա և ստացել են տարբեր ծանրության վնասվածքներ։
