10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ի՞նչ էր փնտրում ոստիկանությունը․ մանրամասներ երեկոյան իրականացված խուզարկությունների ու զննությունների արդյունքներից
Հասարակություն
22.07.2021 | 13:03
Ինչպես արդեն տեղեկացրել ենք, երեկ մայրաքաղաքում և Երևան մտնող ճանապարհներին Ոստիկանության աշխատակիցները կանգնեցնում էին մեքենաները և ստուգումներ իրականացնում։ Ոստիկանության լրատվական ծառայությունից Factor.am-ին փոխանցել էին, որ Ոստիկանությունն իր լիազորությունների շրջանակներում ծառայություն է իրականացնում։
ՀՀ ԿԱ ոստիկանության հասարակայնության հետ կապի և լրատվության վարչությունից Factor.am-ին հայտնեցին, որ իրականացված ուժեղացված ծառայության ընթացքում տարբեր կասկածանքներով բաժիններ բերման է ենթարկվել 49 անձ, կատարվել են խուզարկություններ ու զննություններ, որոնց արդյունքում հայտնաբերվել է տարբեր տեսակի հրազեն՝ ընդհանուր 10 հատ, զինամթերք, այդ թվում՝ փամփուշտներ, հայտնաբերվել են նաև մահակներ։ Ուժեղացված ծառայության ընթացքում բացահայտվել է նաև ապօրինի թմրաշրջանառության 4 դեպք, հայտնաբերվել են տարբեր տեսակի թմրամիջոցներ, այդ թվում՝ մեթամֆետամինի նմանվող։
Հայտնաբերվել է նաև կեղծ համարանիշ։ Բերման ենթարկված անձանցից երկուսը ձերբակալվել են։
