14.09.2026 | 21:13
Oգոստոսի կլիմայական պայմանները Հայաստանում
Վրաստանի խորհրդարանում անվտանգության արտակարգ ռեժիմ է մտցվել
Քաղաքականություն
22.07.2021 | 18:17
Վրաստանի խորհրդարանում գործում է անվտանգության արտակարգ ռեժիմ, որպեսզի սպառնալիքի տակ չդրվի օրենսդիր մարմնի աշխատանքը։ Այս մասին հայտարարել է խորհրդարանի նախագահ Կախա Կուչավան, գրում է Sputnik-ի վրացական ծառայությունը։
Նշված հայտարարությունը Կուչավան արել է այն բանից հետո, ինչ «Լելո՝ գործընկերություն հանուն Վրաստանի» ընդդիմադիր խմբակցության նախագահ Բադրի Ջապարիձեն բացատրություն է պահանջել, թե ինչու խորհրդարանի շենք չեն թսղնում մուտք գործել հասարակական կազմակերպությունների ներկայացուցիչներին, որոնք ունեն անցաթղթեր։ Ջապարիձեի խոսքով՝ նրանք ցանկանում էին խորհրդարանում մամլո ասուլիս անցկացնել։
«Մի քանի հասարակական կազմակերպություններ խնդրել են իրենց համար անցագիր տրամադրել: Մենք ձևակերպել ենք, բայց նրանց դեռ թույլ չեն տալիս մուտք գործել: Եթե դա պայմանավորված է անվտանգության միջոցառումներով, ապա նախապես ասեք, որ այս հինգ հասարակական կազմակերպությունների ներկայացուցիչներին չի կարելի ներս թողնել, քանի որ նրանք սպառնալիք են խորհրդարանի անվտանգության համար: Չի կարելի սահմանափակել մարդկանց մուտքն այդքան անպատասխանատու կերպով»,- Կուչավային է դիմել Ջապարիձեն։
Իր հերթին խորհրդարանի խոսնակը հայտարարել է, որ ապագայում արտակարգ ռեժիմ մտցնելու մասին նախապես կհաղորդվի։
Տաթև Ֆռանգյան
