26.04.2026 | 11:13
Վթարային ջրանջատում Երևանում
Էմանուել Մակրոնը Պաշտպանության հարցով խորհրդի արտահերթ նիստ է հրավիրել իսրայելական լրտեսական ծրագրի գործով
Քաղաքականություն
22.07.2021 | 16:00
Ֆրանսիայի նախագահ Էմանուել Մակրոնը Պաշտպանության հարցով խորհրդի արտահերթ նիստ է հրավիրել Pegasus ծրագրի միջոցով էլեկտրոնային լրտեսության գործով հետաքննության կապակցությամբ։ Այս մասին, ՏԱՍՍ-ի հաղորդմամբ՝ հայտնել է Ֆրանսիայի կառավարության պաշտոնական ներկայացուցիչ Գաբրիել Աթալը։
«Հետաքննություն է սկսվել, հանրապետության նախագահն այսօր առավոտյան կհրավիրի Պաշտպանության հարցերով խորհրդի արտահերթ նիստ, որի թեման կդառնա այս գործը»,- նշել է նա։
Հիշեցնենք՝ հուլիսի 18-ին Ֆրանսիայում գործող «Forbidden Stories» հասարակական կազմակերպությունը և աշխարհի 17 լրատվամիջոցներ հետաքննություն են հրապարակել` պնդելով, որ մի շարք երկրներ կարող էին լրտեսել ողջ աշխարհում առնվազն 50,000 մարդու` օգտագործելով իսրայելական NSO Group- ի «Pegasus» էլեկտրոնային լրտեսական համակարգը:
Տաթև Ֆռանգյան
