14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Փաշինյանը շնորհավորեց «Հայաստան», «Պատիվ ունեմ» դաշինքներին․ մարզպետը՝ Երասխի իրավիճակի մասին․ Լուրեր
Քաղաքականություն
22.07.2021 | 12:34
Վարչապետի պաշտոնակատար Նիկոլ Փաշինյանը կառավարության նիստի ժամանակ շնորհավորել է «Հայաստան» և «Պատիվ ունեմ» դաշինքներին՝ խորհրդարան անցնելու կապակցությամբ։ Նա հատվածներ է մեջբերել ՍԴ որոշումից, որն ուժի մեջ է թողել ընտրությունների արդյունքները։
Փաշինյանը խոսել է նաև Ադրբեջանի գործողությունների մասին և անընդունելի է համարել Բաքվի կողմից գերիների վերադարձի մասին պայմանավորվածության չկատարումը։ Կառավարության ղեկավարը նաև վերահաստատել է իր առաջարկը՝ Ադրբեջանի հետ սահմանային հատվածից երկկողմանիորեն հետ քաշել զինված ուժերը՝ սահմանազատում և սահմանագծում իրականացնելու համար։
—
Լրիվ նորմալ է․ այսպես է Արարատի մարզպետ Ռազմիկ Թևոնյանը բնորոշել իրավիճակը Երասխի հատվածում։ Նույն կերպ նա պատասխանել է վիրավորված գյուղապետի վիճակի մասին հարցին։ Նրա խոսքով՝ սահմանին վիճակը հանգիստ է։
—
Երեկոյան Նիկոլ Փաշինյանի գլխավորությամբ քննարկվել են Հայաստանում իրականացվելիք ներդրումային ծրագրեր, որոնց կայանալու դեպքում կիրականացվի ավելի քան 200 մլն դոլարի ներդրում, կբացվեն 1000-ից ավելի ժամանակավոր կամ մշտական աշխատատեղեր։
