21.12.2025 | 12:59
Ձմեռային արևադարձն է․ Գագիկ Սուրենյան
Ադրբեջանը մասնակցելու է Վրաստանում կայանալիք Agile Spirit 2021 միջազգային զորավարժություններին
Քաղաքականություն
21.07.2021 | 14:58
Վրաստանում հուլիսի 26-ից օգոստոսի 6-ը տեղի կունենան Agile Spirit 2021 միջազգային բազմազգ զորավարժությունները։ Այս մասին հայտնում է Ukrinform-ը՝ հղում կատարելով ԱՄՆ ԶՈւ եվրոպական հրամանատարությանը։
Նշվում է, որ զորավարժություններին կմասնակցեն ավելի քան 2,5 հազար զինծառայողներ 15 դաշնակից ու գործընկեր երկրներից՝ Վրաստան (ընդունող կողմ), Էստոնիա, Գերմանիա, Լատվիա, Լիտվա, Լեհաստան, Ռումինիա, Իսպանիա, Թուրքիա, Ուկրաինա, Մեծ Բրիտանիա, ԱՄՆ, Կանադա, Իտալիա և Ադրբեջան:
Ըստ աղբյուրի՝ զորավարժություններն անցկացվելու են բրիգադների մակարդակով և նախատեսում են գումարտակների կազմում բազմազգ ստորաբաժանումների ընդհանուր վարժանքներ՝ մարտական կրակոցներով:
Սա Agile Spirit տասներորդ վարժանքներն են։ Դրանք առաջին անգամ անցկացվել են Վրաստանում 2011 թվականին և հանդիսանում են Եվրոպայում ԱՄՆ ծովային հետևակի ու Վրաստանի Զինված ուժերի վարժանքները։
Տաթև Ֆռանգյան
