29.06.2026 | 20:48
ՆԱՏՕ-ի գագաթնաժողովին ընդառաջ Էրդողանը հայտարարել է, որ Թուրքիան պետք է ներառվի Եվրոպայի պաշտպանական ծրագրերում
Ադրբեջանի ՊՆ-ն հայտնում է ՀՀ սահմանին ադրբեջանցի սպայի վիրավորվելու մասին
Քաղաքականություն
20.07.2021 | 13:07
Ադրբեջանցի զինծառայող է վիրավորվել հայ-ադրբեջնական սահմանի Նախիջևանի հատվածում։ Ադրբեջանի ՊՆ-ի հաղորդմամբ՝ ոտքից վիրավորում է ստացել ավագ լեյտենանտ Ռամալ Բադալին, որին առաջին օգնություն են ցուցաբերել և տեղափոխել հիվանդանոց։
Նշենք, որ Ադրբեջանի ԶՈՒ-ն մի քանի օր է՝ շարունակում է սադրանքներ իրականացնել հայ-ադրբեջնական սահմանի Երասխի հատվածում։
Ավելի վաղ ՀՀ ՊՆ տեղեկացրել էր, որ հուլիսի 19-ի ուշ երեկոյան և լույս 20-ի գիշերը՝ մինչև ժամը 02։00-ն, ադրբեջանական զինված ուժերը շարունակել են հրաձգային զինատեսակներից, առանց ականանետերի կիրառման, գնդակոծել հայ-ադրբեջանական սահմանի Երասխի հատվածում տեղակայված հայկական դիրքերը. տեղեկացնում են ՀՀ ՊՆ-ից: Մի քանի ժամ տևած ինտենսիվ փոխհրաձգության հետևանքով հայկական կողմից հրազենային վիրավորում է ստացել Երասխ համայնքի ղեկավար Ռադիկ Օղիկյանը։
Էմմա Չոբանյան
