14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
ԵՄ Խորհրդի նախագահի, Ուկրաինայի և Մոլդովայի ղեկավարների մասնակցությամբ մեկնարկել է Բաթումիի միջազգային կոնֆերանսը
Քաղաքականություն
19.07.2021 | 19:08
Բաթումիում մեկնարկել է «ԵՄ ձգողականության ուժն ու տարածաշրջանի վերափոխումը» 17-րդ միջազգային համաժողովը։
Հավաքին մասնակցելու համար Վրաստան է ժամանել Ուկրաինայի նախագահ Վլադիմիր Զելենսկին, Մոլդովայի նախագահ Մայա Սանդուն, ինչպես նաև Եվրոպական խորհրդի նախագահ Շառլ Միշելը, որն ավելի վաղ տարածաշրջային այցով Երևան ու Բաքու էր այցելել, հաղորդում է Վրաստանի Առաջին ալիքը։
Համաժողովին բացման ելույթով հանդես է եկել Վրաստանի ԱԳ նախարար Դավիթ Զալկալիանին, ելույթներով են հանդես եկել Վրաստանի նախագահ Սալոմե Զուրաբիշվիլին, վարչապետ Իրակլի Ղարիբաշվիլին, Ուկրաինայի և Մոլդովայի նախագահներ Զելենսկին և Սանդուն, ինչպես նաև ԵՄ Խորհրդի նախագահ Շառլ Միշելը։
Հատկանշական է, որ միջազգային կոնֆերանսի ընթացքում տեղի կունենա «Նոր տրանսատլանտյան օրակարգն ու Արևելյան Եվրոպան» խորագրով քննարկում, որին մասնակցելու են մի շարք միջազգային փորձագետներ։ Կքննարկվեն նաև այնպիսի թեմաներ, ինչպիսիք են եվրատլանտյան տարածքում մարտահրավերներն ու հնարավորությունները, համագործակցության զարգացման հեռանկարները ավանդական դաշնակիցների ու այլոց միջև։
Նշենք, որ համավարակի պատճառով 2020 թվականին համաժողովը չէր կայացել, իսկ այս տարի անցկացվում է հիբրիդային ձևաչափով։ 2019 թվականի համաժողովը նվիրված էր Արևելյան գործընկերության տասնամյակին։
Էմմա Չոբանյան
