Քաղաքականություն
19.07.2021 | 19:44
Իրանի ԱԳ նախարարությունը հայտարարել է, որ Աֆղանստանի տարածքում քաոս չի հանդուրժի։ EADaily-ի փոխանցմամբ՝ այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն։
«Մենք համակ ուշադրությամբ հետևում և վերահսկում ենք սահմաններին իրավիճակը։ Աֆղանստանի անվտանգությունը մեր անվտանգությունն է, և Իրանը չի հանդուրժի Աֆղանստանում քաոս»,- ասել է նա:
Խաթիբզադեն նշել է նաև, որ Իրանը կապի մեջ է աֆղանական բոլոր խմբավորումների հետ և աջակցում է Աֆղանստանում խաղաղության հաստատմանը:
Հիշեցնենք, որ ԱՄՆ-ի ու նրա դաշնակիցների զորքերի դուրսբերումից հետո ակտիվացել են Աֆղանաստանի իշխանությունների և «Թալիբան» շարժման միջև բախումները։ Իրանն Աֆղանստանի հետ 900 կմ երկարությամբ սահման ունի։
Աֆղանստանի բնակչության մեծ մասը դավանում է սուննի իսլամ, շիաները հիմնականում Իրանի աջակցությունը վայելող խազարներն են: Աֆղանստանի սուննիների շրջանում ակտիվորեն աշխատում են ծայրահեղական կազմակերպությունների ներկայացուցիչները, որոնք խթանում են կրոնական բախումներ, այդ թվում՝ շիաների հետ, որոնք կազմում են Իրանի բնակչության ճնշող մեծամասնությունը:
Տաթև Ֆռանգյան
