24.08.2026 | 16:20
Լոնդոնը թույլատրել է Կիևին փոխանցել Storm Shadow հրթիռների մասին գաղտնի տեղեկատվություն՝ դրանք Ուկրաինայում արտադրելու համար
Էրդողանը հայտարարել է, թե «թալիբները դեմ չեն Անկարայի կողմից Քաբուլի օդանավակայանի պաշտպանությանը»
Քաղաքականություն
19.07.2021 | 18:30
«Թալիբան» արմատական շարժումը դեմ չէ Անկարայի կողմից Քաբուլի օդանավակայանի պաշտպանությանը: Այսօր նման կարծիք է հայտնել Թուրքիայի նախագահ Թայիփ Էրդողանը Ստամբուլում կայացած մամուլի ասուլիսում, որի հեռարձել է TRT հեռուստաալիքը:
«Հայտարարություններ այն մասին, որ «Թալիբանը» չի ցանկանում Թուրքիային տեսնել Աֆղանստանում, չեն եղել։ «Թալիբանը» շատ լավ գիտի Թուրքիայի ղեկավարության դիրքորոշումն այս հարցի վերաբերյալ։ Մենք որոշակի ծրագրեր ունենք և մենք դրանց հետևում ենք։ Հուսով ենք, որ «Թալիբանի» հետ բանակցություններ կունենանք»,- ընդգծել է նա։
Բացի այդ՝ նա սխալ է անվանել թալիբների օկուպացիոն գործողություններն ու կոչ արել դադարեցնել դրանք։
Հիշեցնենք՝ ավելի վաղ Վաշինգտոնը հայտարարել էր Աֆղանստանից մինչև սեպտեմբերի 11-ը զորքերի դուրսբերման մասին։ Ավելի ուշ այս ժամկետը կրճատվել է մինչև օգոստոսի 31-ը։ ԱՄՆ-ի և նրա դաշնակիցների զորքերի դուրսբերման ֆոնին թալիբներն իրենց վերահսկողության տակ են վերցնում Աֆղանստանի ավելի շատ թվով շրջաններ։
Տաթև Ֆռանգյան
