24.08.2026 | 16:20
Լոնդոնը թույլատրել է Կիևին փոխանցել Storm Shadow հրթիռների մասին գաղտնի տեղեկատվություն՝ դրանք Ուկրաինայում արտադրելու համար
Ռուսաստանը, Ուզբեկստանը և Տաջիկստանն Աֆղանստանի սահմանի մոտակայքում համատեղ զորավարժություն կանցկացնեն
Քաղաքականություն
19.07.2021 | 17:29
Ռուսաստանը, Ուզբեկստանը և Տաջիկստանը համատեղ զորավարժություններ կանցկացնեն տաջիկական Խարբ Մայդոն զորավարժարանում, որը գտնվում է Աֆղանստանի հետ սահմանից 20 կիլոմետր հեռավորության վրա: Զորավարժությունները տեղի կունենան օգոստոսի 5-ից 10-ը: Այս մասին հայտնել է Կենտրոնական ռազմական շրջանի հրամանատար, գեներալ-գնդապետ Ալեքսանդր Լապինը, գրում է Lenta-ն։
Նրա խոսքով՝ զորավարժությունների ընթացքում նախատեսվում է մշակել «միացյալ ուժերի կողմից ռազմական գործողությունների նախապատրաստումը՝ միության պետության տարածք ներխուժած ապօրինի զինված կազմավորումների ջոկատները ջախջախելու համար»։
Զորավարժություններին մասնակցող զինվորների թիվը դեռևս չի հաղորդվում։
Ավելի վաղ Ռուսաստանի ՊՆ-ն հայտարարել էր, որ Տաջիկստանից, Ղրղզստանից և Ուզբեկստանից զինվորականների հետ նախատեսվում է համատեղ լայնածավալ զորավարժություններ անցկացնել՝ աֆղան-տաջիկական սահմանին տարածաշրջանում իրավիճակի սրման ֆոնին:
Տաթև Ֆռանգյան
