01.04.2026 | 17:13
Դավիթ Մինասյանին հարվածողը Փաշինյանի թիկնապահն է, որը Հովհաննավանքից քաղաքացուն դուրս էր բերել բերանը փակելով
Պեկինն ու Թեհրանը կշարունակեն աշխատել՝ ընդհանուր շահերն ավելի լավ պաշտպանելու համար․ Չինաստանի ԱԳՆ ղեկավար
Քաղաքականություն
19.07.2021 | 15:55
Իրանի ԱԳ նախարար Մոհամմադ Ջավադ Զարիֆի հետ հեռախոսազրույցի ժամանակ Չինաստանի պետական խորհրդական և ԱԳ նախարար Վանգ Յին հայտարարել է, որ երկու երկրները միասին կաշխատեն՝ Չինաստանի, Իրանի և զարգացող այլ երկրների ընդհանուր շահերն ավելի լավ պաշտպանելու համար, գրում է Tehran Times-ը:
Վանգ Յին հայտարարել է, որ Իրանի նախագահ Հասան Ռոհանին վերջին 8 տարում դրական ներդրում է ունեցել երկու երկրների հարաբերությունների կառուցման համար։ Նա նաև հավելել է, որ Չինաստանը կշարունակի ամրապնդել հաղորդակցությունն ու համագործակցությունը Իրանի նոր իշխանությունների հետ։
«Չինաստանը շնորհակալություն է հայտնում Իրանին՝ երկրի հիմնական շահերը ներառող հարցերում աջակցության համար, և շարունակելու է աջակցել Իրանին՝ ազգային ինքնիշխանությունը և ազգային արժանապատվությունը պաշտպանելու և իր ազգային շահերին համապատասխան ուղի ընտրելու հարցում»,- ասել է Վանգը:
Իր հերթին, Զարիֆը շնորհակալություն է հայտնել Չինաստանին՝ Իրանին հակահամաճարակային պատվաստանյութեր և նյութեր տրամադրելու, ինչպես նաև կորոնավիրուսի համաճարակի դեմ պայքարում Իրանին աջակցելու համար:
Կողմերը մտքեր են փոխանակել նաև Աֆղանստանում տիրող իրավիճակի վերաբերյալ:
Տաթև Ֆռանգյան
