16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Տոկիոյի օլիմպիական ավանում կորոնավիրուսի հերթական դեպքն է գրանցվել
19.07.2021 | 20:25
Տոկիոյի օլիմպիական ավանում ամառային Օլիմպիական խաղերի մեկնարկից 4 օր առաջ կորոնավիրուսի հերթական դեպքն է գրանցվել։ Այս մասին հուլիսի 19-ին հայտնել է Չեխիայի օլիմպիական կոմիտեն, գրում է DW-ի ռուսական ծառայությունը։
Ըստ աղբյուրի՝ ամենօրյա թեստի արդյունքները դրական են եղել լողափային վոլեյբոլի 26-ամյա խաղացող Օնդրժեյ Պերուշիչի մոտ։ Լաբորատոր փորձաքննության պատասխանը ստացվել է հուլիսի 18-ին։
Պերուշիչը պետք է մասնակցեր հուլիսի 26-ին կայանալիք խաղին՝ իր թիմակից Դավիթ Շվայների հետ դուետով։ Մարզիկի մոտ COVID-19-ի ոչ մի ախտանշան չկա։
Մինչ այդ, կորոնավիրուս է հայտնաբերվել օլիմպիական խաղերի նախապատրաստմամբ զբաղվող ժամանակավոր աշխատակիցներից մեկի մոտ։ Այսպիսով, dpa գործակալության տվյալների համաձայն, հուլիսի 1-ից Օլիմպիական խաղերի հետ կապված 58 անձի մոտ կորոնավիրուս է հայտնաբերվել։
Տաթև Ֆռանգյան
