29.06.2026 | 21:12
Կաշկանդված եմ Մեդվեդևի խոսքը մեկնաբանել, քանի որ չեմ կարդացել. Վահագն Ալեքսանյան․ ՏԵՍԱՆՅՈւԹ
Էրդողանը մեկնել է Հյուսիսային Կիպրոս․ կիպրացի հույները սա սադրանք են որակել
Քաղաքականություն
19.07.2021 | 13:26
Թուրքիայի նախագահ Ռեջեփ Թայիփ Էրդողանը կայցելի Հյուսիսային Կիպրոս՝ 1974 թվականին կղզի թուրքական ներխուժման տարեդարձի կապակցությամբ, ինչը հանգեցրեց, այսպես կոչված, Հյուսիսային Կիպրոսի Թուրքական Հանրապետության ստեղծմանը։ Թուրքիայից բացի՝ ոչ ոք չի ճանաչել այն, գրում է BBC-ի ռուսական ծառայությունը:
Կիպրացի հույներն Էրդողանի այցը համարում են սադրանք։ Անցյալ երեքշաբթի թուրքական նավատորմի նավը մի քանի կրակոց է արձակել Կիպրոսի առափնյա անվտանգության նավի ուղղությամբ՝ կղզու հյուսիսի և հարավի միջև բաժանարար գծից ոչ հեռու։
Էրդողանի վարչակազմի հասարակայանության հետ կապերի վարչության ղեկավար Ֆահրեթին Ալթունը նախօրեին հունական Kathimerini թերթին տված հարցազրույցում Կիպրոսի և Հունաստանի ճանաչված իշխանություններին խաղաղ գոյակցության կոչ է արել:
«Եթե մենք չենք ցանկանում այս տարաձայնությունը որպես ժառանգություն թողնել մեր երեխաներին, անհրաժեշտ է իրատես լինել։ Առավել իրատեսական որոշում է երկու պետության սկզբունքը, որի պարագայում Հյուսիսային Կիպրոսի Թուրքական Հանրապետությունը հավասար իրավունքներ կունենա իր հարավային հարևանի հետ»,- ասել է նա։
Տաթև Ֆռանգյան
