11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Մեծ Բրիտանիայի առողջապահության նախարարը վարակվել է կորոնավիրուսով
17.07.2021 | 17:46
Մեծ Բրիտանիայի առողջապահության և սոցիալական գործերի նախարար Սաջիդ Ջավիդը վարակվել է կորոնավիրուսով։ Այս մասին քաղաքական գործիչը հայտնել է Twitter-ի իր էջում։
«Այսօր առավոտյան կորոնավիրուսի թեստի դրական արդյունքը ստացա։ Սպասում եմ PCR թեստի արդյունքներին, բայց, բարեբախտաբար, ես պատվաստվել եմ, և ախտանշանները թեթև են արտահայտված»,- գրել է նա:
Նախարարը նաև կոչ է արել չպատվաստված քաղաքացիներին հնարավորինս շուտ պատվաստվել։
Ներկայում պատվաստանյութի առաջին չափաբաժինը երկրում ստացել է արդեն գրեթե 46,2 մլն մարդ, ինչը կազմում է երկրի չափահաս բնակչության 87,6 տոկոսը: Լիովին պատվաստվել է գրեթե 35,5 մլն մարդ (թագավորության չափահաս բնակիչների 67,5%-ը):
