09.06.2026 | 15:57
Ծառուկյանին թույլ չեն տվել ՀՀ-ից հեռանալ․ խոշոր չափերով հարկերից խուսափելու մեղադրանքով նոր քրեական վարույթ է հարուցվել
BP-ն և նրա գործընկերներն Ադրբեջանում իրականացվող նախագծերում մինչ օրս 78 մլրդ դոլարի ներդրում են արել
Քաղաքականություն
16.07.2021 | 20:45
Բրիտանական BP ընկերությունը մինչ օրս իր գործընկերների հետ Ադրբեջանում 78․5 մլրդ դոլար ներդրում է կատարել տարբեր ծրագրերում։ Ընկերությունից հայտնել են ադրբեջանական «Ապա»-ին հայտնել են, որ BP-ն արդեն 28 տարի արդյունավետորեն և հուսալի կերպով աշխատանք է իրականացնում՝ որպես խոշոր ծրագրերի օպերատոր Ադրբեջանում։
«Մեր ծավալած սոցիալական ներդրումային գործունեությունը երկրում և հմտություններ զարգացնելու մեր ջանքերը դրական ազդեցություն են ունեցել և փոխել, բարելավել մարդկանց կյանքը՝ նրանց զգալի օգուտներ բերելով»,- ասվում է հաղորդագրության մեջ։
Ընդհանուր առմամբ, իր գործունեության մեկնարկից մինչև այսօր բրիտանական ընկերությունն ու նրա գործընկերները սոցիալական ներդրումային ծրագրերի վրա ծախսել են 94 մլն դոլար։
Նշենք, որ BP-ն Ադրբեջանում հանդիսանում է Ազերի-Չիրագ-Գյունեշլի, Բաքու-Թբիլիսի-Ջեհյան նավթամուղի, Շահ Դենիզ և Հարավկովկասյան գազամուղի նախագծերի մասնակից։
Էմմա Չոբանյան
