11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Թբիլիսիում կորոնավիրուսից նորածին է մահացել
Քաղաքականություն
16.07.2021 | 17:54
Վրաստանում կորոնավիրուսով վարակված երեք շաբաթական երեխան, որը միացված է եղել արհեստական շնչառական ապարատին, մահացել է, հայտնում է « Նովոստի Գրուզիա»-ն՝ վկայակոչելով Ցիցիշվիլիի անվան Թբիլիսիի մանկական կլինիկայի մամուլի ծառայությանը:
Նորածինը վարակվել էր կորոնավիրուսի բրիտանական շտամով: Նա տեղափոխվել է կլինիկա ծնվելուց հինգ օր անց։ Երեխայի վիճակն այնքան ծանր է եղել, որ անմիջապես միացվել է արհեստական շնչառության ապարատին: 16 օր բժիշկները պայքարում էին նորածնի կյանքի համար, բայց նրան հնարավոր չի եղել փրկել:
Ներկայում Ցիցիշվիլիի անվան կլինիկայում բուժվում է 122 հիվանդ, որից 67-ը երեխաներ են, իսկ մնացածը՝ նրանց ծնողները:
Համաձայն վերջին տվյալների՝ համաճարակի սկզբից ի վեր Վրաստանում կորոնավիրուսով վարակվել է 30 հազար երեխա:
Տաթև Ֆռանգյան
