14.10.2026 | 19:37
Ծանրորդ Սամվել Մարտիրոսյանը դարձավ ԵԱ-ի բրոնզե մեդալակիր
Գերմանիայի նախագահը Անգելա Մերկելին պաշտոնապես առաջադրել է կանցլերի պաշտոնում
Քաղաքականություն
05.03.2018 | 18:03
Գերմանիայի նախագահ Ֆրանկ-Վալտեր Շտայնմայերը Բունդեսթագին առաջարկել է Անգելա Մերկելին նշանակել դաշնային կանցլեր: Այս մասին երկուշաբթի հայտարարել է պետության ղեկավարը. փոխանցում է tass.ru-ն:
«Գերմանիայի նախագահն իր ուղերձում, համաձայն Գերմանիայի Սահմանադրության 63-րդ կետի, Բունդեսթագին առաջարկել է՝ Անգելա Մերկելին ընտրել դաշնային կանցլեր: Իսկ թե երբ կընտրվի, Բունդեսթագը կորոշի», – ասվում է հայտարարության մեջ:
Այս քայլը ձևականություն է, քանի որ ավելի վաղ, երեք կուսակցություններ՝ Քրիստոնյա-դեմոկրատական պահպանողականները, Քրիստոնյա-սոցիալական միությունն ու Գերմանիայի Սոցիալ-դեմոկրատական կուսակցությունը կոալիցիոն կառավարության ձևավորման մասին համաձայնագիր էին կնքել:
Հիշեցնենք, որ Բունդեսթագի ընտրությունները տեղի էին ունեցել 2017թ. սեպտեմբերի 24-ին, որը Factor.am-ը լուսաբանել էր Բեռլինից:
