09.06.2026 | 14:02
«Հանուն Հանրապետության» կուսակցությունը ճանաչում է ընտրությունների նախնական արդյունքները
Մասիսի քաղաքապետի եղբորը կալանավորելու որոշման դեմ վերաքննիչ բողոք է ներկայացվել
Հասարակություն
14.07.2021 | 17:11
Մասիսի քաղաքապետի եղբայր Գոռ Համբարձումյանի կալանավորման վերաբերյալ վերաքննիչ բողոք է ներկայացվել։ Այս մասին ֆեյսբուքյան էջում գրել է Համբարձումյանի պաշտպան Տիգրան Աթանեսյանը։
«Գոռը առաջադրված մեղադրանքը չի ընդունում, այն համարում է պարզապես զավեշտալի»,- գրառման մեջ նշել է փաստաբանը։
Մասիսի քաղաքապետ Դավիթ Համբարձումյանի եղբայրը՝ Գոռ Համբարձումյանը, հուլիսի 8-ին երկու ամսով կալանավորվել է: Նրան մեղադրանք է առաջադրվել Քրեական օրենսգրքի 262-րդ հոդվածի երկրորդ մասի 1-ին և 5-րդ կետերով (պոռնկությամբ զբաղվելուն նպաստելը՝ մի խումբ անձանց կողմից նախնական համաձայնությամբ, երկու կամ ավելի անձանց օգտագործելով):
ՀՀ Քննչական կոմիտեի մամուլի խոսնակ Վարդան Թադևոսյանըի հաղորդմամբ՝ Համբարձումյանը փոխկապակցված է շղթայական և կազմակերպված մարմնավաճառության գործի հետ: Վերջինս, ըստ մեղադրանքի, ոչ թե անմիջական կապ է ունեցել կանանց պոռնկության գործում ներգրավվելու գործընթացի մեջ, այլ նույն գործում խնդիրներ առաջանալու դեպքում դրանք լուծել է, ինչի դիմաց ստացել է գումար մարմնավաճառների ստացված հոնորարներից:
Ռոզա Վարդանյան
