12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Հայ-թուրքական արձանագրությունների նախաձեռնողը Սերժ Սարգսյանն է եղել՝ 2008թ-ի ընտրություններից հետո աշխարհին լեգիտիմ երևալու համար. թուրքագետ. ՏԵՍԱՆՅՈՒԹ
Քաղաքականություն
05.03.2018 | 14:14
Ընդունված է ասել, որ Հայ-թուրքական արձանագրությունների նախաձեռնությունը ֆորմալ առումով պատկանում է Սերժ Սարգսյանին. այսօր լրագրողների հետ հանդիպմանն ասաց թուրքագետ Անուշ Հովհաննիսյանը:
«Ֆորմալ առումով այդպես է, բայց հայ-թուրքական հարաբերությունները կարգավորելու բանակցությունները սկսվել են դեռ նախագահ Քոչարյանի օրոք»,- նկատեց թուրքագետը, ապա անդրադարձավ վերոնշյալ արձանագրությունների չեղարկմանը:
«Մարտի 1-ից հետո 2008թ. խնդրահարույց նախագահական ընտրությունները ստիպում էին նորընտիր նախագահ Սերժ Սարգսյանին լեգիտիմության որոշակի պաշար ունենալ՝ եթե ոչ երկրի ներսում, ապա գոնե արտաքին քաղաքական դաշտում, և նրա այդ քայլը՝ հայ-թուրքական արձանագրությունների նախաձեռնությունը, նաև արտաքին աշխարհի աչքերում որոշակի լեգիտիմության պաշար ձեռք բերելու համար արված քայլ էր»,- ասաց նա:
Բանախոսն ապա ներկայացրեց թուրքական կողմի՝ «արձանագրությունների քայլին» գնալու դրդապատճառները՝ նշելով, որ, այո, թուրքերը չեն թաքցնում, որ դեռ Քոչարյանի վարչակարգի օրոք հայ-թուրքական հարաբերությունները կարգավորելու գաղտնի բանակցություններ են վարվել, բայց քանի որ Հայոց ցեղասպանության ընդունման հարցում Քոչարյանի կոշտ դիրքորոշումը հայտնի էր, հույս չեն ունեցել իրենց դիրքորոշումն անցկացնել: Իսկ ահա Սերժ Սարգսյանի ընտրությունից հետո, թուրքական կողմը խոստովանել է, որ հույս է ունեցել, որ խնդրահարույց այդ ընտրությունները հայկական կողմին կստիպեին ավելի «ճկուՆ» լինել և ավելի հեշտ կլիներ իրենց օրակարգը պարտադրել հայկական կողմին:
Մանրամասները՝ տեսանյութում:
