20.02.2026 | 12:38
Թրամփը մեկ տարով երկարաձգել է Ռուսաստանի դեմ պատժամիջոցները
Օլաֆ Շոլցը պաշտոնապես Բունդեսթագին վստահության քվեի խնդրանք է ներկայացրել
Քաղաքականություն
11.12.2024 | 20:43
Գերմանիայի դաշնային կանցլեր Օլաֆ Շոլցը պաշտոնապես Բունդեսթագին վստահության քվեի խնդրանք է ներկայացրել։ Այս մասին գրում է Bild-ը։
«Բունդեսթագի հարգելի նախագահ, համաձայն [Գերմանիայի Սահմանադրության] 68-րդ հոդվածի՝ ես խնդրում եմ, որ իմ նկատմամբ վստահության հարցը դրվի քվեարկության, որը տեղի կունենա երկուշաբթի օրը՝ 2024 թվականի դեկտեմբերի 16-ին։ Ես մտադիր եմ հայտարարություն անել»,- ասված է դիմումի տեքստում։
Հարցումը ներկայացնելու և խորհրդարանում քվեարկության միջև պետք է լինի առնվազն 48 ժամ: Օլաֆ Շոլցի դեպքում պատգամավորները շատ ավելի շատ ժամանակ կունենան՝ քվեարկությունը նախատեսված է միայն դեկտեմբերի 16-ին։
Հիշեցնենք, որ նոյեմբերի 6-ին Գերմանիայում քաղաքական ճգնաժամ սկսվեց, երբ Օլաֆ Շոլցը որոշեց պաշտոնանկ անել ֆինանսների նախարար Քրիստիան Լինդներին, որն Ազատ դեմոկրատական կուսակցության առաջնորդն է։ Դրանից հետո իշխանական կոալիցիան փլուզվեց։ Իշխող Սոցիալ-դեմոկրատական կուսակցության և CDU/CSU ամենամեծ ընդդիմադիր դաշինքի առաջնորդները համաձայնեցրեցին Բունդեսթագի արտահերթ ընտրությունների օրը։
Թարգմանությունը՝ Տաթև Ֆռանգյանի
